ലിഫ്റ്റിൽ കുടുങ്ങിയ അഞ്ച് പേരെ രക്ഷപ്പെടുത്തി വടകര അഗ്നി രക്ഷാസേന : ജീവൻ തിരിച്ചുകിട്ടിയതിൽ സെൽഫിയെടുത്ത് സന്തോഷം പങ്കിട്ടു

വടകര : ലിഫ്റ്റിൽ കുടുങ്ങിയ അഞ്ച് പേരെ രക്ഷപ്പെടുത്തി വടകര അഗ്നി രക്ഷാസേന

 ഇന്ന് ഉച്ചക്ക് 12:40 ഓടെയാണ് വടകര ടൗൺഹാളിന് മുൻവശമുള്ള ഓറഞ്ച് സൂപ്പർമാർക്കറ്റിലെ ലിഫ്റ്റിൽ ജയേഷ് വി എം നാരായണ നഗർ , വിനോദ് അറക്കിലാട് , സിബി പഴങ്കാവ് , മുരളീധരൻ പതിയാരക്കര , ജഗന്നാഥൻ ഇരിങ്ങൽ എന്നിവർ കുടുങ്ങിയത് അപ്രതീക്ഷിതമായി ലിഫ്റ്റ് തകരാറായി തുടർന്ന് ശ്വാസംമുട്ടൽ അനുഭവപ്പെടുകയും ചെയ്തു . സൂപ്പർ മാർക്കറ്റിലെ ജീവനക്കാരൻ ലിഫ്റ്റ് കീ ഉപയോഗിച്ച് ഡോർ തുറക്കാൻ ശ്രമിച്ചെങ്കിലും പരാജയപ്പെടുകയായിരുന്നു

. ഉടൻതന്നെ ലിഫ്റ്റിൽ നിന്നും മുരളീധരൻ വടകര ഫയർ സ്റ്റേഷനിലേക്ക് വിളിക്കുകയായിരുന്നു മിനുട്ടുകൾക്കുള്ളിൽ വടകര അഗ്നി രക്ഷാ സേന സ്ഥലത്തെത്തി രക്ഷാപ്രവർത്തനം ആരംഭിച്ചു പവർ ഓഫ് ചെയ്തു ലിഫ്റ്റ് കീ ഉപയോഗിച്ച് ഡോർ മുഴുവനും തുറന്നു രക്ഷാപ്രവർത്തനം സാധ്യമാകാത്തതിനാൽ ഹൈഡ്രോളിക് സ്പ്രഡർ ഉപയോഗിച്ച് ഡോർ വിടർത്തി ഓരോ ആളുകളെയായി സുരക്ഷിതമായി പുറത്തെത്തിച്ചു . അഞ്ച് പേർ ഒന്നിച്ച് ലിഫ്റ്റിൽ അകപ്പെട്ടതിനാൽ  ശ്വാസതടസ്സം അനുഭവപ്പെട്ട് തുടങ്ങിയിരുന്നു . കൃത്യസമയത്ത് രക്ഷാപ്രവർത്തനം നടന്നതിനാൽ ജീവൻ തിരിച്ചു കിട്ടിയതിന്റെ സന്തോഷത്തിലാണ് സുഹൃത്തുക്കളായ അഞ്ചുപേരും . വടകര അഗ്നി രക്ഷാ നിലയത്തിൽ നിന്നും സീനിയർ ഫയർ ആൻഡ് റെസ്ക്യൂ ഓഫീസർ സി കെ ഷൈജേഷിൻ്റെ നേതൃത്വത്തിൽ റാഷിദ് എം ടി , മനോജ് കിഴക്കേക്കര , ഷിജേഷ് ടി , സിബിഷാൽ പി ടി , സഹീർ പി എം , സാരംഗ് എസ് ആർ സന്തോഷ് കെ എന്നിവർ ചേർന്നാണ് രക്ഷപ്രവർത്തനം നടത്തിയത്.