കൊയിലാണ്ടി: ഏറെക്കാലമായി യാത്രാ ദുരിതമനുഭവിക്കുന്ന പഴയമാർക്കറ്റ് - കൊയിലാണ്ടി ഹാർബർ - വലിയമങ്ങാട് റോഡ് , അരയങ്കാവ് കൂത്തo വള്ളി റോഡ് എന്നിവയ്ക്ക് ഭരണാനുമതിയായി . കൊയിലാണ്ടി ഹാർബറിലേക്കുള്ള പ്രധാന മാർഗ്ഗമായ രണ്ട് റോഡ് തകർന്നത് മത്സ്യതൊഴിലാളികൾക്കും നാട്ടുകാർക്കും ഏറെ പ്രയാസം സൃഷ്ടിച്ചിരുന്നു.
പഴയമാർക്കറ്റ് - വലിയ മങ്ങാട് റോഡ് പുനരുദ്ധാരണത്തിലൂടെ ഇതിന് പരിഹാരമാവുകയാണ് . ഇതിന് 1 കോടി 41 ലക്ഷം രൂപയ്ക്കാണ് ഭരണാനുമതിയായത് . നിലവിൽ റോഡ് സൗകര്യമില്ലാത്ത കൊല്ലം ഭാഗത്തുള്ള മത്സ്യതൊഴിലാളികൾക്ക് ഹാർബറിലേക്ക് എത്തിച്ചേരാനുള്ള ഒരു എളുപ്പമാർഗ്ഗമാണ് അരയങ്കാവ് - കൂത്തം വള്ളി റോഡ് . ഇതിന് 1 കോടി 16 ലക്ഷം രൂപയുടെ ഭരണാനുമതിയാണ് ലഭിച്ചത് . രണ്ട് ചെറിയ പാലങ്ങൾ ഇതിൽ ഉൾപ്പെടുന്നുണ്ട് . ഇത് യാഥാർത്ഥ്യമാകുന്നതോടെ കൊല്ലം ഭാഗത്തുള്ള മത്സ്യത്തൊഴിലാളികൾക്കും നാട്ടുകാർക്കും എളുപ്പത്തിൽ കൊയിലാണ്ടി ഹാർബറിൽ എത്തിച്ചേരാൻ സാധിക്കും .
നിലവിൽ 28 കോടിയുടെ രണ്ടാംഘട്ട വികസനം നടന്നു വരുന്ന കൊയിലാണ്ടി ഹാർബറിന് ഏറെ മുതൽ കൂട്ടാകുന്ന റോഡുകളാണിവ . വലിയ മങ്ങാട് മുതൽ കാപ്പാട് വരെയുള്ള കടൽ ഭിത്തിയുടെ റീ ഫോർമേഷന് ഇതിനകം 6 കോടി രൂപയുടെ ഭരണാനുമതി ലഭിക്കുകയും തുടർന്ന് ടെണ്ടർ നടപടികളും പൂർത്തിയാവുകയും ചെയ്തതാണ് . കടൽ ഭിത്തിയുടെ റീ ഫോർമേഷൻ വർക്ക് പൂർത്തിയാകുന്നതോടെ കാപ്പാട് മുതൽ വലിയ മങ്ങാട് വരെയുള്ള റോഡിൻ്റെ പ്രവൃത്തിയാരംഭിക്കും.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.