ലഹരിമുക്ത കേന്ദ്രത്തിൽ കൊണ്ടുപോയതിന്റെ വൈരാഗ്യം: താമരശ്ശേരിയിൽ സഹോദരൻ അനുജന്റെ തലക്ക് വെട്ടി പരിക്കേൽപ്പിച്ചു.

താമരശ്ശേരി: ചമലിൽ മയക്കുമരുന്ന് ലഹരിയിൽ  സഹോദരൻ അനുജന്റെ തലക്ക് വെട്ടി പരിക്കേൽപ്പിച്ചു.

അഭിനന്ദ്(23) നാണ് സഹോദരൻ അർജുനന്റെ വെട്ടേറ്റത്. ചമൽ കാരപ്പറ്റ ക്ഷേത്രത്തിലെ കുരുതി തറയിലെ വാളെടുത്ത് വീട്ടിലെത്തിയാണ് തലക്ക് വെട്ടി പരിക്കേൽപ്പിച്ചത്.

ഇന്ന് വൈകിട്ട് 5:30 ആണ് സംഭവം. സ്ഥിരമായി ലഹരി ഉപയോഗിക്കുന്ന പ്രതിയെ കഴിഞ്ഞദിവസം ലഹരിമുക്ത കേന്ദ്രത്തിൽ കൊണ്ടുപോയതിന്റെ വൈരാഗ്യമാണ് ആക്രമണത്തിന് പിന്നിലെന്ന് പോലീസ് സംശയിക്കുന്നു.

സാരമായി പരിക്കേറ്റ അഭിനന്ദിനെ ആശുപത്രിയിലേക്ക് മാറ്റി. സഹോദരൻ പോലീസ് കസ്റ്റഡിയിൽ ആണ്