വടകര: ട്രെയിനിൽ ആര്‍.പി.എഫും നടത്തിയ സംയുക്ത പരിശോധനയില്‍ 8.2 കിലോഗ്രാം കഞ്ചാവുമായി രണ്ടുപേര്‍ പിടിയില്‍. ഒഡീഷ സ്വദേശികളായ അജിത്ത് നായക് (26), ലക്ഷ്മണ്‍ നായക് (27) എന്നിവരെയാണ് ചെന്നൈ സൂപ്പര്‍ഫാസ്റ്റ് മെയിലില്‍നിന്നു പിടിയിലായത്..ഇന്ന് രാവിലെ 8.30-ന് വണ്ടി വടകര സ്റ്റേഷനില്‍ എത്തിയ സമയത്താണ് പരിശോധന നടത്തിയത്.
ഇരുവരും തളിപ്പറമ്പില്‍ മരപ്പണിക്കാരായി ജോലി ചെയ്യുന്നവരാണ്. വടകര സ്റ്റേഷനില്‍ ഒരാള്‍ക്ക് കൈമാറാനാണ് കഞ്ചാവ് എത്തിച്ചെതെന്ന് ഇവർ മൊഴി നൽകി. ഇയാള്‍ വഴിയാണ് കഞ്ചാവ് വടകര മേഖലയില്‍ വിതരണം ചെയ്യുന്നതെന്നാണ് സംശയം. ഇയാളെ കണ്ടെത്താന്‍ എക്സൈസ് അന്വേഷണം തുടങ്ങി.എക്സൈസ് സര്‍ക്കിള്‍ ഇന്‍സ്പെക്ടര്‍ വി.ആര്‍. ഹിരോഷ്, അസി.എക്സൈസ് ഇന്‍സ്പെക്ടര്‍ പ്രമോദ് പുളിക്കൂല്‍, ആര്‍.പി.എഫ്. ഇന്‍സ്പെക്ടര്‍ ഉപേന്ദ്രകുമാര്‍ അസി. ഇന്‍സ്പെക്ടര്‍ ടി.പി.ബിനീഷ് എന്നിവര്‍ പരിശോധനയ്ക്ക് നേതൃത്വം നല്‍കി.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.