മാരക ലഹരി: സമൂഹത്തിലുണ്ടാക്കുന്ന വിപത്തുകൾ

ലഹരിയുടെ ഉപയോഗം വ്യക്തികളെയും സമൂഹത്തെയും ഒരുപോലെ പ്രതികൂലമായി ബാധിക്കുന്ന ഒന്നാണ്. ഇത് ആരോഗ്യപ്രശ്നങ്ങൾ, സാമ്പത്തിക ബുദ്ധിമുട്ടുകൾ, സാമൂഹിക പ്രശ്നങ്ങൾ, കുറ്റകൃത്യങ്ങൾ എന്നിവയിലേക്ക് നയിക്കുന്നു. ലഹരിയുടെ ഉപയോഗം മാനസികവും ശാരീരികവുമായ ആരോഗ്യത്തെ നശിപ്പിക്കും. ഇത് വിഷാദം, ഉത്കണ്ഠ, ഓർമ്മക്കുറവ്, ഹൃദയ സംബന്ധമായ പ്രശ്നങ്ങൾ, കാൻസർ തുടങ്ങിയ രോഗങ്ങൾക്ക് കാരണമാകും. അതുപോലെ ലഹരി ഉപയോഗിക്കുന്ന വ്യക്തികൾക്ക് അവരുടെ ജോലിസ്ഥലത്തും വ്യക്തി ജീവിതത്തിലും പ്രയാസങ്ങൾ ഉണ്ടാക്കും.

  അവരുടെ സാമ്പത്തിക ഭാവിക്കും കുടുംബത്തിനും ദോഷകരമായി ഭവിക്കുന്നു. ലഹരി ഉപയോഗം പലപ്പോഴും കുറ്റകൃത്യങ്ങളിലേക്ക് നയിക്കുന്നു. മോഷണം, അക്രമം, കൊലപാതകം തുടങ്ങിയ കുറ്റകൃത്യങ്ങളിൽ ഏർപ്പെടുന്നവരുടെ എണ്ണം ദിനംപ്രതി വർധിക്കുന്നതിനും ഇത് കാരണമാകുന്നു. ലഹരി ഉപയോഗം കുടുംബബന്ധങ്ങളെ തകർക്കുകയും സാമൂഹിക ബന്ധങ്ങളിൽ വിള്ളൽ വരുത്തുകയും ചെയ്യുന്നു. ഇത് ഒറ്റപ്പെടൽ, സാമൂഹിക ബഹിഷ്കരണം തുടങ്ങിയ പ്രശ്നങ്ങൾക്ക് കാരണമാവുകയും ചെയ്യുന്നു. ലഹരിയുടെ ഉപയോഗം യുവതലമുറയെ വഴിതെറ്റിക്കുന്നു എന്നത് മാത്രമല്ല. ഇത് അവരുടെ വിദ്യാഭ്യാസത്തെയും ഭാവിയെയും പ്രതികൂലമായി ബാധിക്കുന്നു എന്നതും പ്രധാനമാണ്

ലഹരി വില്പനക്കാർ ലക്ഷ്യം വെക്കുന്നത് സാമ്പത്തിക ഭദ്രതയാണ് എന്നാൽ ഇതുമൂലം തകരുന്നത് ഒരു മനുഷ്യയുസും അവൻറെ കുടുംബബന്ധവും സാമൂഹിക ബന്ധവുമാണ് പുതുതലമുറ ലഹരിക്ക് അടിമപ്പെടുമ്പോൾ നഷ്ടപ്പെടുന്നത് മൂല്യങ്ങളും ബന്ധങ്ങളുമാണ് സ്വന്തം മാതാപിതാക്കളെ തിരിച്ചറിയാനോ സഹോദരങ്ങളെ സ്നേഹിക്കാനോ കഴിയാതെ കൊലക്കത്തിക്ക് ഇരയാക്കി ജയിലറകളിൽ തളക്കപ്പെടുന്ന യുവാക്കളുടെ എണ്ണം ദിനംപ്രതി വർദ്ധിച്ചുവരികയാണ്

തുടരും....