ഉല്ലാസയാത്ര പോയ ബസ് മറിഞ്ഞ് നിരവധി വിദ്യാർത്ഥികൾക്ക് പരിക്ക്

പത്തനംതിട്ട: കടമ്പനാട് കല്ലുകുഴിയിൽ നിയന്ത്രണം വിട്ട് ടൂറിസ്‌റ്റ് ബസ് മറിഞ്ഞ് നിരവധി വിദ്യാര്‍ഥികള്‍ക്ക് പരിക്ക്. 

ഇന്ന് രാവിലെ 6.30ഓടെയാണ് സംഭവം. വാഗമണ്ണിലേക്ക് ഉല്ലാസയാത്ര പോയ ബിഎഡ് വിദ്യാർഥികളാണ് ബസിലുണ്ടായിരുന്നത്.

അധ്യാപകരടക്കം 52 പേരാണ് ബസിലുണ്ടായിരുന്നത്. ഇതിൽ വിദ്യാർഥികള്‍ അടക്കം 44ഓളം പേര്‍ക്ക് പരിക്കേറ്റതായാണ് വിവരം. രണ്ട് പേര്‍ക്ക് സാരമായ പരിക്കേറ്റു എന്നാൽ, ആരുടെയും പരിക്ക് ഗുരുതരമല്ലെന്ന് പൊലീസ് അറിയിച്ചു. പരിക്കേറ്റവരെ താലൂക്ക് ആശുപത്രിയിലും സ്വകാര്യ ആശുപത്രിയിലും പ്രവേശിപ്പിച്ചു

കൊല്ലം ഫാത്തിമ മെമ്മോറിയൽ ട്രെയിനിങ് കോളജിലെ ബിഎഡ് വിദ്യാര്‍ഥികള്‍ ആണ് രണ്ടു ബസുകളിലായി വാഗമണ്ണിലേക്ക് വിനോദ യാത്ര പോയത്.