കളിക്കുന്നതിനിടെ ഗേറ്റ് വീണ് മൂന്നുവയസ്സുകാരി മരിച്ചു

 

മലപ്പുറം : കളിക്കുന്നതിനിടെ ഗേറ്റ്  വീണ് മൂന്നുവയസ്സുകാരി മരിച്ചു. മലപ്പുറം വണ്ടൂരിൽ മണലോടിയിലെ വാടക ക്വാര്‍ട്ടേഴ്‌സില്‍ താമസിക്കുന്ന സമീറിന്റെ മകള്‍ അയറ ആണ് മരിച്ചത്

ഞായര്‍ വൈകീട്ട് അഞ്ചോടെ അയറ വീട്ടുമുറ്റത്ത് കളിക്കുന്നതിനിടെയാണ് അപകടം നടന്നത്. 

ഗേറ്റില്‍ കയറി കളിക്കുകയായിരുന്നു കുട്ടി. ഈ സമയം ഗേറ്റ് മറിഞ്ഞുവീഴുകയും അയറയുടെ തലയ്ക്ക് പരിക്കേല്‍ക്കുകയും ചെയ്തു. ഉടൻ സ്വകാര്യ ആശുപത്രിയിലെത്തിച്ചെങ്കിലും നില ഗുരുതരമായതോടെ കോഴിക്കോട് മെഡിക്കല്‍ കോളജ് ആശുപത്രിയിലേക്കു കൊണ്ടുപോകവെ മരണം സംഭവിക്കുകയായിരുന്നു.