വിവിധ മേഖലയിൽ വ്യക്തിമുദ്ര പതിപ്പിച്ച വ്യക്തിത്വങ്ങളെ പുരസ്കാരങ്ങൾ നൽകി ആദരിച്ചു.

കോഴിക്കോട് : കവിതാ സാഹിത്യ കലാസാംസ്കാരിക വേദി  കൈരളി ശ്രീയിൽ വച്ച് നടത്തിയ പരിപാടിയിൽ സാഹിത്യ-കലാ- സാംസ്കാരിക - സാമൂഹ്യ-ആതുര സേവന മേഖലയിൽ വ്യക്തിമുദ്ര പതിപ്പിച്ച വ്യക്തിത്വങ്ങളെ പുരസ്കാരങ്ങൾ നൽകി ആദരിച്ചു. മന്ത്രി എ.കെ ശശീന്ദ്രൻ, തോട്ടത്തിൽ രവീന്ദ്രൻ, അഹമ്മദ് ദേവർകോവിൽ, ശ്രീ.വി.ആർ.സുധീഷ്, യു.കെ കുമാരൻ, ശ്രീ.വി .ടി . മുരളി, കെ.സി.അബു ,ഞെരളത്ത് രവീന്ദ്രൻ, ശ്രീ. കലയപുരം ജോസ് തുടങ്ങി നിരവധിപ്രമുഖർ പങ്കെടുത്തു."ഉള്ളുരുക്കങ്ങൾ"എന്ന കവിതാ സമാഹാരത്തിന് ബാലാമണിയമ്മ പുരസ്‌കാരം അഹമ്മദ് ദേവർകോവിലിൽ നിന്നും ഷൈമ. പി. വി ഏറ്റുവാങ്ങി.

സാംസ്‌കാരിക വേദി പ്രസിഡണ്ട്‌ ശ്രീമതി ബദരിപുനലൂർ സ്വാഗതം പറഞ്ഞ് കൊണ്ടാണ് പരിപാടി ആരംഭിച്ചത്.