ഗവ. വൊക്കേഷണൽ ഹയർ സെക്കണ്ടറി സ്കൂൾ കൊയിലാണ്ടി - ചുറ്റുമതിലിൻ്റെയും കവാടത്തിൻ്റെയും പ്രവൃത്തി ഉദ്ഘാടനം

ഗവ. വൊക്കേഷണൽ ഹയർ സെക്കണ്ടറി സ്കൂൾ കൊയിലാണ്ടി - ചുറ്റുമതിലിൻ്റെയും കവാടത്തിൻ്റെയും പ്രവൃത്തി ഉദ്ഘാടനം എം.എൽ എ കാനത്തിൽ ജമീല നിർവ്വഹിച്ചു.

 എം എൽ എ ആസ്തി വികസന ഫണ്ടിൽ നിന്നും 75 ലക്ഷം രൂപ ചിലവഴിച്ച് നിർമ്മിക്കുന്ന സ്കൂൾ ചുറ്റുമതിൻ്റെയും കവാടത്തിൻ്റെയും പ്രവൃത്തിയാണ് എം എൽ എ ഉദ്ഘടനം ചെയ്തത് . കൊയിലാണ്ടിയിൽ  നഗരഹൃദയത്തിൽ സ്ഥിതി ചെയ്യുന്ന സ്കൂൾ എന്ന നിലയ്ക്ക് മനോഹരമായ കവാടവും ചുറ്റുമതിലുമാണ് നിർമ്മിക്കുന്നത് . പശ്ചാത്തല സൗകര്യവികസനത്തിൽ വലിയ കുതിപ്പാണ് ഇതിനകം തന്നെ സ്കൂളിലുണ്ടായത്  . ഏറ്റവുമവസാനം ഒരു കോടി 88 ലക്ഷം രൂപ പ്ലാൻ ഫണ്ടിൽ നിന്നും 26 ലക്ഷംരൂപ  ചിലവഴിച്ച് നിർമ്മിച്ച കെട്ടിടം പൂർത്തിയായി ഉദ്ഘാടനത്തിനൊരുങ്ങുകയാണ് .  നഗരസഭ ചെയർപേഴ്സൺ സുധ കിഴക്കേപ്പാട്ട് അധ്യക്ഷത വഹിച്ച പ്രവൃത്തി ഉദ്ഘാടന ചടങ്ങിൽ അസിസ്റ്റൻ്റ് എഞ്ചിനീയർ ഷിംന കെ. റിപ്പോർട്ട് അവതരിപ്പിച്ചു. നിജില പറവക്കൊടി ( വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ), പി. വിശ്വൻ മാസ്റ്റർ (മുൻ എം.എൽ.എ.യും പൂർവ്വ വിദ്യാർത്ഥി ഫോറം കൺവീനറും ) ,  അഡ്വ . ടി.കെ രാധാകൃഷ്ണൻ, വി.കെ. മുകുന്ദൻ, രമേഷ് ചന്ദ്ര കെ എസ്, മുരളീധരൻ തോറോത്ത്, വി.പി. ഇബ്രാഹിം കുട്ടി, കെ.കെ. നാരായണൻ മാസ്റ്റർ,  കെ.കെ. സുധാകരൻ (ഹെഡ്മാസ്റ്റർ), ബിജേഷ് ഉപ്പാലക്കൽ (വി.എച്ച്.എസ്.ഇ പ്രിൻസിപ്പാൾ), ഹരീഷ് എൻ.കെ. (എസ്.എം.സി. ചെയർമാൻ), ജയരാജ് പണിക്കർ, ഷിജു ഒ.കെ എന്നിവർ സംസാരിച്ചു. പ്രിൻസിപ്പാൾ പ്രദീപ് കുമാർ എൻ.വി. സ്വാഗതവും പി.ടി.എ. പ്രസിഡണ്ട് സുചീന്ദ്രൻ വി നന്ദിയും പറഞ്ഞു.