പേരാമ്പ്രയിലെ പ്രമുഖ കലാപഠന കേന്ദ്രമായ അക്കാദമി ഓഫ് ആര്‍ട്‌സ് ഇരുപതാം വര്‍ഷത്തിലേക്ക്. ഇരുപതാം വാര്‍ഷിക ആഘോഷം വിവിധ പരിപാടികളോടടെ നടത്തപ്പെടുന്നു. വാര്‍ഷിക ആഘോഷങ്ങളുടെ ഭാഗമായി ലോഗൊ പ്രകാശനം സംഘടിപ്പിച്ചു. അക്കാദമി ഹാളില്‍ നടന്ന ചടങ്ങില്‍ പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് എന്‍.പി ബാബു ലോഗോ പ്രകാശനം നിര്‍വ്വഹിച്ചു. ചടങ്ങില്‍ സാമ്പത്തിക സമാഹരണത്തിനായ് നടത്തുന്ന ഭാഗ്യ ജ്യോതിയുടെ ഉല്‍ഘാടനം ഉദയാ ബാലകൃഷ്ണന്‍ നായരും നിര്‍വ്വഹിച്ചു.
ആഘോഷക്കമ്മിറ്റി ചെയര്‍മാന്‍ എ.കെ മുരളീധരന്‍ അധ്യക്ഷത വഹിച്ചു. ചടങ്ങില്‍ വി.എസ്. രമണന്‍, എന്‍.എസ്. നിധീഷ്, സുരേഷ് ബാബു കൈലാസ്, സിന്ധുപേരാമ്പ്ര, പ്രകാശന്‍ കിഴക്കയില്‍ എന്നിവര്‍ സംസാരിച്ചു. അക്കാദമി ഓഫ് ആര്‍ട്‌സ് ഡയറക്ടര്‍ രാജന്‍ കുട്ടമ്പത്ത് സ്വാഗതം പറഞ്ഞ ചടങ്ങിന് പ്രോഗ്രാം കമ്മിറ്റി ചെയര്‍മാന്‍ വി.എന്‍ മുരളീധരന്‍ നന്ദിയും പറഞ്ഞു.
0 Comments
Readers, please exercise caution when using information from this website. Verify facts from multiple sources and be aware that not all content online is reliable. We do not endorse false information or harmful content and reserve the right to moderate and remove inappropriate comments. Your safety matters.